Սինգապուրում Marina Bay Sands Casino խաղատանը խաղացողը շահել է է չորս միլիոն սինգապուրյան դոլար (գրեթե 258 միլիոն ռուբլի) և մահացել ուրախությունից։ Այս մասին հայտնում է International Business Times-ը (IBTimes):
Միջադեպի տեսագրությունը համացանցում հրապարակել է ականատեսներից մեկը։ Կադրերում երեւում է, թե ինչպես են կազինոյի աշխատակիցները փորձում օգնել թղթախաղի սեղանի մոտ հատակին պառկած տղամարդուն։ Միևնույն ժամանակ մոտակայքում մի կին է ճչում, որն ըստ ամենայնի նրա կինն է։
Ավելի ուշ հայտնի է դարձել, որ այցելուն շահել է չորս միլիոն դոլար և ուրախությունից այնքան է հուզվել, որ սրտի կաթված է ստացել։ Այդ պահին խաղատան աշխատակիցներն ու այլ խաղացողներ արդեն հավաքվել էին նրան շնորհավորելու։ Դեպքի վայր ժամանած բժիշկներին չի հաջողվել վերակենդանացնել տղամարդուն։
Նյութի աղբյուր