Տեսախցիկն արձանագրել է Ուշիի ոլորանի ողբերգական վթարը. Տեսանյութ

Այսօր՝ ժամը 20:00-ի սահմաններում, հիվանդանոցից ահազանգ է ստացվել ոստիկանության Աշտարակի բաժին, որ վիրավորներից Ա. Լևոնյանը, հիվանդանոցում գիտակցության չգալով, մահացել է: SHAMSHYAN.com-ը ներկայացնում է ողբերգական ավտովթարի պահը, որն արձանագրվել է տեսախցիկի կողմից։

Ինչպես ավելի վաղ դեպքի վայրից հայտնել էր ֆոտոլրագրող, նոյեմբերի 4-ին ողբերգական ավտովթար էր տեղի ունեցել Արագածոտնի մարզում: Ժամը 09:20-ի սահմաններում Աշտարակ-Ապարան ավտոճանապարհին՝ Ուշիի ոլորաններում՝ «Հով-Արտ» սննդի կետի հարևանությամբ բախվել էին «Range Rover» և «ՎԱԶ 2107» մակնիշի ավտոմեքենաները:

Վթարի հետևանքով կար 1 զոհ, 4 վիրավոր:   Դեպքի վայր էին ժամանել ՀՀ ներքին գործերի նախարարության փրկարար ծառայության Աշտարակի հրշեջ-փրկարարական ջոկատից 1 մարտական հաշվարկ:   Փրկարարներն օգտագործել էին հատուկ տեխնիկա՝ մահացածին և վիրավորներին ավտոմեքենայից դուրս բերելու համար:  

Մինչ փրկարարները ժամանումը՝ վիրավորներին օգնության էին հասել «Հով-Արտ» սննդի կետի աշխատակիցներն ու քաղաքացիները:   Վթարի հետևանքով ավտոմեքենաները մասամբ հայտնվել էին ճանապարհի մեջտեղում, և մինչ պարեկների ժամանումը՝ ստեղծվել էր խցանում: 

Источник: https://ipress.am/hy/page/%D5%BF%D5%A5%D5%BD%D5%A1%D5%AD%D6%81%D5%AB%D5%AF%D5%B6-%D5%A1%D6%80%D5%B1%D5%A1%D5%B6%D5%A1%D5%A3%D6%80%D5%A5%D5%AC-%D5%A7-%D5%B8%D6%82%D5%B7%D5%AB%D5%AB-%D5%B8%D5%AC%D5%B8%D6%80%D5%A1%D5%B6%D5%AB-%D5%B8%D5%B2%D5%A2%D5%A5%D6%80%D5%A3%D5%A1%D5%AF%D5%A1%D5%B6-%D5%BE%D5%A9%D5%A1%D6%80%D5%A8-%D5%BF%D5%A5%D5%BD%D5%A1%D5%B6%D5%B5%D5%B8%D6%82%D5%A9