ԱՄՆ-ի նախկին առաջնորդ և ԱՄՆ-ի նախագահի թեկնածու Դոնալդ Թրամփի գլխի կտրուկ թեքումը փրկել է նրան մահացու գնդակից։ Նման կարծիք է հայտնել ռազմական փորձագետ Յուրի Պոդոլյական՝ մեկնաբանելով քաղաքական գործչի դեմ մահափորձը։
Նա զարմանք է հայտնել, թե ինչպես կարող էին թիկնապահները թույլ տալ հարձակումը։
«Թրամփը պատահաբար փրկվեց, ավելի ճիշտ՝ վերջին պահին գլխի թեքումը նրան փրկեց: Եթե Թրամփն իր գլուխը թեթևակի չթեքեր, ապա փամփուշտի հետագիծը ականջը քերելու փոխարեն կհարվածել ուղիղ գլխին, գլխի հետևի հատվածին»,- գրել է Պոդոլյական իր թելեգրամ-ալիքում:
Ինչպես հայտնել ենք, Թրամփի դեմ մահափորձը տեղի է ունեցել հուլիսի 13-ին Փենսիլվանիայում նախընտրական հանրահավաքի ժամանակ։ ԱՄՆ-ի նախկին նախագահի վրա կրակել են մի քանի անգամ, փամփուշտներից մեկը վնասել է նրա ականջը։
Քաղաքական գործիչը փրկվել է, սակայն մեկ մարդ մահացել է, մի քանիսը` վիրավորվել։ Կրակողը 20-ամյա Թոմաս Մեթյու Քրուքսն է եղել, ով ինքնաձիգով թաքնվել է մոտակա շենքի տանիքում։ Հանցագործը տեղում վերացվել է. իրավապահները պնդում են, որ իրենք տեղյակ չեն եղել սպասվող հարձակման մասին, իսկ մեղավորն ինքը, հավանաբար, միայնակ է գործել։
Նյութի աղբյուր