Ո՞վ է օրեր առաջ Աստղիկ ԲԿ-ում մահացած ծննդկանը

Shamshyan.com-ի տեղեկություններով՝ օգոստոսի 7-ին ողբերգական դեպք է տեղի ունեցել Երևանում։

Ժամը 17։15-ի սահմաններում ՀՀ Ներքին գործերի նախարարության ոստիկանության Մալաթիայի բաժնում օպերատիվ տեղեկություններ են ստացվել, որ «Աստղիկ» բժշկական կենտրոնում հղի կին է մահացել։

Ոստիկաններն ու քննիչները պարզել են, որ մահացածը Տավուշի մարզի գյուղերից մեկի բնակիչ 20-ամյա Մարինե Պ․-ն է, ով եղել է 20 շաբաթական հղի և ստացիոնար բուժման մեջ է գտնվել։

Դեպքի փաստով «սպանություն» հատկանիշներով նախաձեռնվել է քրեական վարույթ։ Քննիչի որոշմամբ նշանակվել է դիակի դատաբժշկական փորձաքննություն։

Источник: https://ipress.am/hy/page/%D5%B8%D5%BE-%D5%A7-%D6%85%D6%80%D5%A5%D6%80-%D5%A1%D5%BC%D5%A1%D5%BB-%D5%A1%D5%BD%D5%BF%D5%B2%D5%AB%D5%AF-%D5%A2%D5%AF-%D5%B8%D6%82%D5%B4-%D5%B4%D5%A1%D5%B0%D5%A1%D6%81%D5%A1%D5%AE-%D5%AE%D5%B6%D5%B6%D5%A4%D5%AF%D5%A1%D5%B6%D5%A8