Հայտնի է՝ ավտոմեքենայում մոխրացած հայտնաբերված մարմինների ինքնությունը

Այսօր՝ օգոստոսի 19-ին, ողբերգական ավտովթար-հրդեհ է տեղի ունեցել Արմավիրի մարզում։ Ժամը 00։20-ի սահմաններում ՀՀ ներքին գործերի նախարարության Փրկարար ծառայության ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Աղավնատուն բնակավայրի մոտ ավտոմեքենա է այրվում ։

Պարզվել է, որ «Mercedes» մակնիշի ավտոմեքենան, դեռևս անհայտ հանգամանքներում, Աղավնատուն բնակավայրի սկզբնամասում դուրս է եկել երթևեկելի գոտուց, բախվել գյուղի սկզբնամասում կառուցված կամարի սյանը և բռնկվել։

Մինչ հրշեջների ժամանումը՝ կրակի դեմ պայքարել են քաղաքացիները, ապա ժամանած հրշեջները մարել են այն ու ավտոմեքենայում հայտնաբերել են 2 մոխրացած դի։ Տեղում ոստիկաներնն ու պարեկները պարզել են, որ մահացածները նույն գյուղի բնակիչներ 34-ամյա Գևորգ Սարգսյանն ու 34-ամյա Մարտին Գրիգորյան են։

Ըստ նախնական տեղեկությունների՝ ավտոմեքենան վարել է Գ․ Սարգսյանը։

Источник: https://ipress.am/hy/page/%D5%B0%D5%A1%D5%B5%D5%BF%D5%B6%D5%AB-%D5%A7-%D5%A1%D5%BE%D5%BF%D5%B8%D5%B4%D5%A5%D6%84%D5%A5%D5%B6%D5%A1%D5%B5%D5%B8%D6%82%D5%B4-%D5%B4%D5%B8%D5%AD%D6%80%D5%A1%D6%81%D5%A1%D5%AE-%D5%B0%D5%A1%D5%B5%D5%BF%D5%B6%D5%A1%D5%A2%D5%A5%D6%80%D5%BE%D5%A1%D5%AE-%D5%B4%D5%A1%D6%80%D5%B4%D5%AB%D5%B6%D5%B6%D5%A5%D6%80%D5%AB-%D5%AB%D5%B6%D6%84%D5%B6%D5%B8%D6%82%D5%A9%D5%B5%D5%B8%D6%82%D5%B6%D5%A8