Ձորաղբյուրում տեղի է ունեցել 19-ամյա Թաթուլ Ղահրամանյանի վերջին հրաժեշտը․ Տեսանյութ

Oragir.news-ը գրում է․ Երեկ վերջին հրաժեշտը տվեցին Ձորաղբյուր գյուղում «Opel» և «ԻԺ» մակնիշի ավտոմեքենաների մասնակցությամբ տեղի ունեցած ավտովթար-հրդեհից մահացած՝ Կոտայքի մարզի բնակիչ, 19-ամյա Թաթուլ Ղահրամանյանին։

19-ամյա երիտասարդը վարել էր «Opel» մակնիշի ավտոմեքենան և վթարի նույն օրը՝ հիվանդանոց տեղափոխվելուց կարճ ժամանակ անց, մահացել է։

Հիշեցնենք, որ նոյեմբերի 1-ին խոշոր ավտովթար-հրդեհ էր տեղի ունեցել Կոտայքի մարզում։ Ժամը 23։00-ի սահմաններում Ձորաղբյուր գյուղում՝ Ձորաղբյուրի ամառանոցների Նորավան թաղամասի տարածքում, դեռևս անհայտ հանգամանքներում, բախվել էին «Opel Astra» և «ԻԺ» մակնիշի ավտոմեքենաները։

Բախման հետևանքով «Opel»-ը դուրս էր եկել երթևեկելի գոտուց, բախվել ծառին, հայտնվել բնակչի շինության քարե պարսպի տակ և բռնկվել, իսկ «Մոսկվիչը» ամբողջությամբ վերածվել էր մետաղե ջարդոնի, առջևի հատվածը պոկվել ու շպրտվել էր մոտ 60 մետր։

Источник: https://ipress.am/hy/page/%D5%B1%D5%B8%D6%80%D5%A1%D5%B2%D5%A2%D5%B5%D5%B8%D6%82%D6%80%D5%B8%D6%82%D5%B4-%D5%BF%D5%A5%D5%B2%D5%AB-%D5%A7-%D5%B8%D6%82%D5%B6%D5%A5%D6%81%D5%A5%D5%AC-19-%D5%A1%D5%B4%D5%B5%D5%A1-%D5%A9%D5%A1%D5%A9%D5%B8%D6%82%D5%AC-%D5%B2%D5%A1%D5%B0%D6%80%D5%A1%D5%B4%D5%A1%D5%B6%D5%B5%D5%A1%D5%B6%D5%AB-%D5%BE%D5%A5%D6%80%D5%BB%D5%AB%D5%B6-%D5%B0%D6%80%D5%A1%D5%AA%D5%A5%D5%B7